gummih.com - á gagnvarpinu!

Núna er ég búinn að tengja MSN messenger við gemsann hjá mér og þetta virkar. Þegar ég er ekki á MSN þá fæ ég statusinn Mobile (gulur kall) og ef einhver sendir mér þá skilaboð þá berast þau sem SMS í gemsann minn.
Til að gera þetta virkt þarf að ganga í gegnum tvö ferli, fyrst að virkja SMS netfangið þitt ([simanumer]@sms.is) og svo þarftu að tengja MSN inn á SMS netfangið.
Ef þú ert hjá voðafón þá notarðu þessar stillingar til að virkja SMS netfangið þitt og ég geri ráð fyrir að þetta sé hægt á sambærilegan hátt hjá símanum.
Þegar þetta er búið þá er bara eftir að tengja messengerinn við [símanúmer]@sms.is. Það eru leiðbeiningar til þess þarna í Voðafóns stillingunum en þær eru aðeins out of date. Ég ætla þessvegna að nappa fínu skjámyndinni þeirra og útskýra aðeins betur.

1. Opnaðu MSN mobile síðuna (gæti krafist þess að þú loggir þig inn á passport)
2. Veldu "Other" sem Wireless service provider
3. Merktu í "My device has text messaging" tékkboxið
4. Sláðu inn [símanúmerið þitt]@sms.is í reitinn fyrir neðan.

Og þar með er þetta komið, bara eftir að hneppa á "Next" og samþykkja einhverja skilmála - MSN rukkar ekkert fyrir þessa þjónustu en það er ágætt að hafa það hugfast að ég held að maður borgi 7kr fyrir hvert sms sem berst manni í gegnum svona @sms.is netfang.

23.6.05
Rússar skjóta langdrægri flaug á sporbraut, BNA vita ekki hvar hún er

Svo ef ég skil þetta rétt, þá geta rússar skotið á loft langdrægri flaug sem var hönnuð til að bera kjarnavopn án þess að Bandaríkjamenn hafi glóru um hvar hún er stödd. Rússar hefðu semsagt getað sleppt því að skjóta þessu blessaða sólarseglskipi og skotið í staðinn langdrægu kjarnavopni á sporbraut? Síðan þegar þeir vildu gætu þeir sent boð til þess að skutla því inn úr sporbraut og gert kjarnorkuárás án þess að Bandaríkin hefðu af því nokkra einustu viðvörun (Bless bless Washington). Eins gott að kalda stríðið er búið, þetta hefði sent allt til fjandans.

Djöfull er maður vinsæll maður

Statbrain.com segir að ég fái 1,3 milljónir gesta á dag! Reyndar er actual fjöldinn í raun nær því að vera 1,3 gestir á dag en hver vill vera með smámunasemi...

20.6.05
Api hakkar í sig rúðuþurrku

Ef ég væri þeir þá hefði ég nú minni áhyggjur af apanum og meiri áhyggjur af því að mér heyrist vera hýena í bílnum hjá þeim...

19.6.05
Tengdu sjónvarpið við þráðlausa netið

Ef ég ætti sjónvarp þá væri ég gríðarlega heitur fyrir þessari Philips Streamium SL400i græju.
Fyrir þá sem eru með þráðlaust net heima hjá sér en hafa ekki ennþá tengt tölvuna við sjónvarpið þá er þetta algjört monster apparat. Þú húkkar þessu bara við sjónvarpið og þetta spilar tónlist, bíómyndir og ljósmyndasafnið beint af hvaða tölvu sem er sem er tengd við þráðlausa netið.
Hún styður m.a. jpg, mp3, MPG2, MPG4, DivX 5, XviD.
En þetta er ekki allt því græjan tengist líka netinu (port 80) og getur streymt efni af því, aðgangur af glás af netvörpum, bíótreilerar, netleikir og fleira sem maður getur nálgast þar. (Held maður geti samt ekki vafrað) Svo eru líka einhverjir einfaldir leikir eins og Tetris innbyggðir í þetta líka. Græjan uppfærir sig svo sjálfkrafa.
Til að skoða þetta betur þá er hérna demó sem sýnir hvernig þetta virkar. (Demóið sýnir reyndar minni græjuna, SL300i en þetta virkar eins)
Svona græja ætti að vera komin í hendurnar á manni fyrir ~38þús gegnum Amazon og ShopUSA. Ef menn eru óþolinmóðir geta menn líka verslað þetta af Heimilistækjum

6.6.05
Firefox - hraðari ræsing!

Nokkrir hafa nefnt við mig að þeim finnist Firefox lengi að ræsast (og virtist ekki hafa skánað við að setja kvikindið á stera). En það er til ráð til að laga það í XP.
Maður þarf bara hægri smella á iconið sem maður notar til að ræsa Firefox, undir Shortcut flipanum þar er textabox sem heitir Target, bættu við /Prefetch:1 aftast í línuna.
Þegar þetta er búið þá ætti textinn í Target textaboxinu að vera svipaður þessu:
"C:\Program Files\Mozilla Firefox\firefox.exe" /Prefetch:1
Þetta gerir það að verkum að Windows XP notar snjalla prefetch fítusinn sinn til að ræsa Firefox örlítið hraðar (takk Bill).

Mugison

Þar sem ég hlusta aldrei á útvarp og horfi ekki á sjónvarp þá er ég alltaf ágætlega úr sambandi við hvað er að gerast í tónlist. Ég var þessvegna bara að fatta Mugison í dag. Snilld!
Ef þú fílar Radiohead, Portishead, Múm, Jeff Buckley og íslenskt framtak. Farðu þá í 12 Tóna og verslaðu þér allt sem þú sérð með Mugison.

3.6.05
Hápunktur siðmenningarinnar - Kaffivél með nettengingu

Ok, hver vill fá Kaffivél með nettengingu?
Tölvufyrirtæki gætu komist upp með að lækka laun starfsmanna um 20-30% ef þeir myndu kaupa svona kaffivél í staðinn!
Hérna má lesa nánar um hvað felst í nettengingunni.
Svo kostar hún bara 124 þúsund! Gjafverð fyrir geimaldarkaffiróbot.

1.6.05
Busi reynir að þykjast gáfaðari en hann er

Hljómar eins og það ætti að vera auðvelt - en hann hefði betur haldið sér saman.
Núna á mánudaginn var orð dagsins á dictionary.com dissemble.

dissemble:
1. To hide under a false appearance; to hide the truth or true nature of.
2. To put on the appearance of; to feign.

Þetta virðist afglapinn hafa lesið því í gær rembdist fíflið við að láta ljós sitt skína þegar hann var að reyna að rakka niður skýrslu Amnesty. En auðvitað gerði hann bara á sig í rembingnum.

It seemed like to me they based some of their decisions on the word of -- and the allegations -- by people who were held in detention, people who hate America, people that had been trained in some instances to disassemble -- that means not tell the truth.

Skarpur að vanda hann Busi, það er nú ekki eins og að disassemble sé eitthvað óalgengt orð í ensku. Hugsið ykkur ef Ólafur Ragnar myndi segja. "...Fólk sem hafði verið þjálfað í sumum tilvikum til að taka í sundur - það þýðir sko að segja ósatt."
Sjá boingboing

Nýjustu comment:

gummih

Twitter Updates