gummih
30.6.06
Við unnum!
Ísland, best í heimi - einu sinni enn. Samkvæmt Þessarri frétt eru Íslendingar hamingjusamasta þjóð í heimi. Enda sést það best á því hvað ALLIR Íslendingar eru alltaf skratti glaðir að sjá hvert sem litið er... fólk valhoppandi um göturnar brosandi út að eyrum á meðan aðrir dreyfa rósablöðum af marglitum húsþökunum.
20.6.06
NerdStatus = NerdStatus + 1
Ég veit eiginlega afhverju ég var ekki búinn að þessu fyrr en ég er núna loksins búinn að skrifa fyrstu Wikipedia greinina mína. Hún fjallar um TEF (Total Existence Failure) . Afar athyglisvert sjáiði til. Ég tek svo við veðmálum um dagsetningu TEF jarðarinnar á líkunum 1/10.000 - ansi góð ávöxtun, ha?
12.6.06
Segir ásakanir um að Björn hafi haft áhrif á innri málefni ritstjórnar Fréttablaðsins rangar
Þessi mynd var tekin á skrifstofu ritstjóra Fréttablaðsins fyrr í vikunni og eins og sjá má var allt í góðu á milli þeirra kumpána og augljóslega enginn fótur fyrir ásökunum um óeðlilegan framgang bjarnarins.
"Hann er auðvitað frekar stór og ófrýnilegur og margir verða frekar skelkaðir þegar þeir sjá hann fyrst" sagði ritstjórinn "en þegar maður skoðar hann nánar þá kemur strax í ljós að engum manni stafar hætta af honum, enda ekkert annað en uppstoppaður minjagripur"
1.6.06
Skrambinn, there goes the neighborhood.
Hérna er ansi skemmtileg grein úr Popular Science. Þetta er um blóðlitað regn sem féll í Indlandi 2001. Margt bendir til þess að rauði liturinn sé vegna rauðra þörunga eða jafnvel blóðkorna sem séu upprunnin héðan af jörðinni en það er ýmislegt sem passar ekki alveg inn í myndina. T.d. virðast frumurnar geta fjölgað sér í vatni sem hefur verið hitað í 300°C. Jamm þetta var fjör meðan þetta entist en núna eru holdétandi geimveruvírusarnir komnir til að skemmileggja partýið og rífa okkur á hol.... oh well.
Is It Raining Aliens? - Popular Science
|
Nýjustu comment:
|
