gummih
Twitter Updates
gummih@gmail.com
22.11.06
Vetni eða ekki?
Grein hjá honum Hjalla fékk mig aðeins til að hugsa. Ég hef alltaf verið ákafur fylgismaður vetnisvæðingar en undanfarið hef ég verið að fjarlægjast vetnispælinguna meira og meira og farinn að horfa meira til rafbíla.
Ástæðan fyrir því er að það gæti verið að rafbílar skjóti vetnisbílum ref fyrir rass, með alla kostina og enga af göllunum. Það sem hefur háð rafbílum hvað mest hafa verið rafgeimarnir, þungir, dýrir, virka verr í kulda og ekki hægt að hlaða á sama tíma og það tekur að setja bensín á tank. Með því að nota vetni sem orkumiðil þá er hægt að framleiða vetni úr rafmagninu og brenna svo vetninu í bílnum, þetta hefur þann kost að hægt er að fylla á bílinn á skömmum tíma borið saman við að hlaða rafbílinn yfir nótt. Helstu gallarnir við vetnið hafa hinsvegar verið flókin tækni, dýrar áfyllingarstöðvar og ákveðin töp sem felast í ferlinu.
Með nýrri tegund af rafgeimum sem er lýst hér þá gætu rafbílar skyndilega verið talsvert verðugari kostur innan 10 ára. Með þessum nýju rafgeymum verður hægt að hlaða rafbíla á innan við mínútu. Hleðslustöðvar fyrir hreinræktaða rafbíla munu kosta brotabrot af því sem dýrar vetnisframleiðslustöðvar munu kosta, rafbílarnir þurfa ekki að burðast um með fullt af vetni, vetnisrafal og annað drasl sem fylgir svo þá liggur í raun beint við að útrýma milliliðnum með töpunum sem þar fylgja. Mér sýnist að ef þessir rafgeymar verða að veruleika þá muni vetni aldrei meika það, heldur muni rafbíllinn loksins komast á toppinn.
Rafbílinn geturðu líka hlaðið heima hjá þér, hann getur verið búinn sólarsellu og hvaðeina til að minnka kostnaðinn enn frekar. Það að fá fólk til að hlaða rafmagni á bílana sína á nóttinni er draumur fyrir orkufyrirtækin og þau gætu hagnast verulega á því að hjálpa til við rafvæðinguna.
Svo varðandi þessa nýju rafgeymatækni þá kemur hún til með að bylta fleiru heldur en rafbílavæðingu, öll smátæki munu njóta góðs af þessu líka, gemsinn hlaðinn á augnabliki, rafmagnskostnaður heimilisins lágmarkaður með því jafna út dagssveidluna með rafgeymum. Ef ég ætti pening til að fjárfesta þá myndi ég fjárfesta hann í þessari tækni.
16.11.06
TechEd
Síðasta vika var alveg brilljant hjá mér - ég var í Barcelona á TechEd ráðstefnunni. Fimm dagar af BizTalk, Test Driven Development, LINQ(!), VS2005 Team Edition, agile development, C# 3.0 og fleiru og fleiru. Afar skemmtilegt allt saman.
Það sem ég lærði fyrir þá sem hafa áhuga er: BizTalk er clever, TDD rokkar, LINQ er schnilld og agile er málið. (ég sagði "fyrir þá sem hafa áhuga"!)
Það besta var samt að Hafrún og Katla María komu með og við höfðum báðar helgarnar sitt hvoru megin við ráðstefnuna til að skoða borgina, en Barcelona er ein af skemmtilegri borgum sem ég hef komið til.
|
Nýjustu comment:
|
