gummih

5.3.07
Ég losnaði við auðkennislykilinn!

Nýlega ákváðu bankarnir af sinni alkunnu manngæsku að þvinga upp á þjóðina nýju skaðræðisapparati til að gera mér lífið leitt. Þetta var þessi bévítans auðkennislykill sem öllum er ætlað að hafa á lyklakippunni sinni. (Persónulega hefði ég kosið að láta fólk bera hann á enninu...)

Nú er það þannig að ég held að ég hafi ekkert óvenjulega marga lykla á lyklakippunni. Á henni er eiginlega engin kippa heldur bara hringurinn, á honum hef ég svo húslyklana mína, bíllykil, dælulykil og svo USB lykil. Samt finnst mér kippan nógu fjandi fyrirferðamikil án þess að vera skikkaður til að bæta þessum óþarfa á hana að auki. Hann Enter orðaði þetta eiginlega best.

En hvað á maður að gera til að komast hjá því að burðast með þetta fjandans drasl? Það er hægt að fá sent auðkenni í gemsann, en það virkar ekki nema þrjá daga í einu eða álíka og þá hættir það auðvitað að virka einmitt þegar maður þarf á því að halda. Það er ekki eins og þetta sé þjónusta sem bankarnir eru að bjóða, fólk fær ekki að velja hvort það notar þetta, fólk er neytt til að nota þetta og á tímabili leit út fyrir að ég léti bugast. En þá kom trikkið.

Trikkið er auðvitað æðislega einfalt.

• Maður byrjar á því að skrá niður fullt af númerum af lyklinum sínum (t.d. bara í textaskjal)
• Þegar maður skráir sig næst inn í heimabankann opnar maður bara skjalið, kóperar fremsta númerið í röðinni og notar það við innskráninguna
• Eftir að hafa notað númerið þá eyðir maður því úr skjalinu áður en maður vistar það
• Skjalið geymi ég svo á usb lyklinum sem er hvort eð er á kippunni og er MUN minni en þetta auðkennisdrasl

| # |